الأربعاء، 19 أغسطس، 2009

يا حلو بيوتهم





درست فترة من عمري في الولايات المتحدة الامريكية
وعشت في شققهم والتي مااقدر اقول عليها الا انها صغيرة الحجم والمساحة
ولكنها كبيرة بالتدبير

بمعنى ، أنه لا يوجد أي زاوية مهملة ومالها داعي في البيت كل شئ مستغلينه
اذا تمشيت بالشقة او حتى بعض بيوت بعض الاصدقاء لما زرتهم ، مالقيت زاوية مو مستفيدين منها

ذاك الصوب التلفزيون وخلفه مخزن
وعلى يمينه المطبخ والمطبخ مفتوح على الصالة
والدرج ما احس انه ماكل نص البيت






ببس اذا كانت مساحته كبيرة نلاقي مستغلين ما تحته كمخزن
عند الباب لازم أكو كبت صغير للجاكيتات والجواتي والمظلات ( لطول موسم الامطار عندهم ، الله يرزقنا الامطار بموسم الامطار امين )

وفي بعض البيوت ما ينسون عمل سرداب متخصص لحفظ مشروبهم اللي ما يتسمى والعياذ بالله
ويحطونه في مواقع استراتيجية مهيئة لعمل مخازن مخصصة لهذه الامور



مو كأن هالمخزن هو مدخل الهاتش في مسلسل لوست لووووول



حديثي اليوم هو تصاميم بيوتنا بالكويت
وعلى الرغم ان اسلوب البيوت الامريكية بدأت بعض البيوت بمحاكاتها وهو شئ جميل
لأن تصاميم بيوتنا كانت ولازالت في العموم قواطي أو علب كلينكس ، مافي افكار الا في بعض البيوت
اللي اصحابها يمكن عاشوا بالخارج او عندهم اطلاع على ما يدور بالخارج

فاتمنى من اي شخص يرغب في بنيان بيت العمر ان يشوف هالتصاميم الحلوة
واللي فيها تدبير لكل زوايا البيت وان يطبقها هنـــــا في الكويت


‏هناك 4 تعليقات:

  1. لا حوشك يصير درج بيتنا جذي

    تلقى راسي مليان غرز من الفلعات!!!

    اهم شي بالدرج انك تقدر تطامر وانت نازل بسرعة!!

    ردحذف
  2. فكرة الدري وايد حلوه
    تصدق الأجانب عليهم افكار خطيره
    وعلى قولتك إحنا ما عندنا إلا ديزاين معين
    تلقى غنفاتهم نظام امريكي وساده
    واحنا هني تروح تختار الخام المشيّر
    وتنجده ومادري شنو وخبه , وجان زين حلو p;
    يعطيك العافيه

    ردحذف
  3. خااالف تعرف

    لوووووووووول البس خوذة احسنلك

    ردحذف
  4. حَافِـيَةُ الَقَدمَيّـنْ ولِبَاسِي المَطـرْ

    صح لسانك
    بعض الاحيان البساطة تغني عن المطرز والمخبخب والمذهب والمفضفض "يعني الفضي" لوووول

    ردحذف