الثلاثاء، 23 نوفمبر، 2010

لبنات الكويت Emergency Bra







تم اكتشاف صدرية نسائية لحالات الطوارئ الغازية
من وجهة نظري لازم يتم توزيعها على جميع بنات الكويت حفاظا عليهن من الروايح اللي في الديرة
من غاز بوريحة بالاحمدي ومشرف وشرق وفوق وتحت ويمين ويسار ( اي هين )

الله يحفظ الكويت ويحلون هالمشاكل قولوا امين

بس لا تنسونا عاد احمونا معاكم :)
لوووووووووووووووووووووووول




الأربعاء، 10 نوفمبر، 2010

اتزوج والا ما اتزوج ؟

ماادري شنو صاير هاليومين !!!


الكل قاعد يحن ويــوِن علي متى بنفرح فيـــك ؟


ربعي الغير كويتيين : إمتى حتتأهل ؟
ربعي الكويتيين العزابية : هااا ؟؟ متى بتتدبس..... يقولونها بضحكة فيها شماتة
ربعي الكويتيين المتزوجين ......... هممم ماادري وينهم اختفوا لوووووووووووول
أي شخص اتعرف عليه حديثا في الدوام ... يقولي نقولك بو شنو ( وقبل الشنو لازم تصير صخة لمدة ثواني )
أما الاهل في البيت فحدث ولا حرج كل من يقط علي نغزة من صوب




طبعا كل هذا صوب وصديقات الوالدة صوب ثاني
واهالي صديقات خواتي احلى واحلى
كل من يرسم علي ويستغبي ويسألون عني بشكل مكثف ... احس نفسي صرت خروف العيـــــدلووووووووووووووول وكل ما طالت فترة عدم سماعهم اخبار عني فالاسئلة ومحاولتهم الاطمئنان علي تزيد ( تدرون خايفين علي لوووووووووووول )



فبعد هذا الضغط الرهيب
شرايكم يا مدونين ويازوار


اعطيهم الضوء الخضر والا استمر براحة البال ?!?!



الخميس، 4 نوفمبر، 2010

قد شفتوا ثقــة بهالاسلوب؟؟





اللي يشوف هالمقطع لازم يفكر ويلاحظ هالامور

اولا : ليش يطق طقتين قبل الحذفة ؟
ثانيا : الهندية اللي قاعدة بالنص شنو موقفها من الاعراب ؟
ثالثا : اللي طاف بنص المقطع شكو قاط ويهه ( مسوي نفسه كووول ويعبر بين الالغام ؟؟)
رابعا وهي الاهـــم : ليــــــــش معلم العجين واقف بعيــــــــــــد ؟؟

ياخي وقف قريب من صاحبك وريح واستريح
بس تعجبني الثقـــة لدرجة انه ما قد رفع عينه على الثاني

لووووووووووووووووووول

.

الأربعاء، 3 نوفمبر، 2010

الإعلان والأعمى

جلس رجل أعمى على إحدى عتبات عمارةواضعا ً قبعته بين قدميه

وبجانبه لوحة مكتوب عليها : ' أنا أعمى أرجوكم ساعدوني '

فمر رجل إعلانات بالأعمى ووقف ليرى أن قبعته لا تحوي سوى قروش قليلة
فوضع المزيد فيها

ودون أن يستأذن الأعمى
أخذ لوحته وكتب عليها عبارة أخرى وأعادها مكانها ومضى في طريقه .

لاحظ الأعمى
أن قبعته قد امتلأت بالقروش والأوراق النقدية
فعرف أن شيئاً قد تغير وأدرك أن ما سمعه من الكتابة هو ذلك التغيير فسأل أحد المارة عما هو مكتوب عليها ؟؟
فكانت الآتي
: ' نحن في فصل الربيع لكنني لا أستطيع رؤية جماله' ..


غير وسائلك عندما لا تسير الأمور كما يجب

الثلاثاء، 2 نوفمبر، 2010

How to be Kuwaiti _ Woman

احد الشباب المغتربين عمل لنفسه اسم من وضع احوال اجتماعية كويتية محيرة
بتعليقه وتمثيله عليها ....


 اضحكني فيها كثيرا انصحكم برؤية التسجيلات الاخرى
كما اتمنى ان تتغير بعض الامور مثل حجاب بوتفخة اللي على
 كثر ما نتطنز عليهم يزيدون بالاسواق والشوارع :(