الأربعاء، 10 نوفمبر 2010

اتزوج والا ما اتزوج ؟

ماادري شنو صاير هاليومين !!!


الكل قاعد يحن ويــوِن علي متى بنفرح فيـــك ؟


ربعي الغير كويتيين : إمتى حتتأهل ؟
ربعي الكويتيين العزابية : هااا ؟؟ متى بتتدبس..... يقولونها بضحكة فيها شماتة
ربعي الكويتيين المتزوجين ......... هممم ماادري وينهم اختفوا لوووووووووووول
أي شخص اتعرف عليه حديثا في الدوام ... يقولي نقولك بو شنو ( وقبل الشنو لازم تصير صخة لمدة ثواني )
أما الاهل في البيت فحدث ولا حرج كل من يقط علي نغزة من صوب




طبعا كل هذا صوب وصديقات الوالدة صوب ثاني
واهالي صديقات خواتي احلى واحلى
كل من يرسم علي ويستغبي ويسألون عني بشكل مكثف ... احس نفسي صرت خروف العيـــــدلووووووووووووووول وكل ما طالت فترة عدم سماعهم اخبار عني فالاسئلة ومحاولتهم الاطمئنان علي تزيد ( تدرون خايفين علي لوووووووووووول )



فبعد هذا الضغط الرهيب
شرايكم يا مدونين ويازوار


اعطيهم الضوء الخضر والا استمر براحة البال ?!?!



هناك 9 تعليقات:

  1. رزنامــــة الفاضل



    العزوبيه تـــــــــاج على راس الأحرار :)


    تدري شلون أنا عندي لك حل وراي :

    كون نفسك واشتري بيت بالنزهه وأثثه صح وخل عندك 3 سيارات ورصيد زوين بالبنك عقبها قرر اتزوج ومالك شغل بالعمر ترى إن كنت 30 أو 40 سنه يزيدون اللي يبونك فما بالك عندك بيت ومرتاح أكيد بتصير السالفه ( نملة تمشي على ريح الدسم ) ؟

    الله يعينك بناتنا نصهم طب نفسي ونص مو مضمونه مكينتها أو مجفته أو توها طالعه من كراج التجميل :)

    طبعا مع عدم التعميم :))


    خلك عزوبي ولين صك عمرك 30 أو فوقه بشوي عقبها فكر ؟


    تحياتي زميلي العزوبي ( المؤقت :))

    ردحذف
  2. اذا نفس اللي بالصورة توكل على الله ولك مني بعير وخروفين

    بس هم نصيحه العزوبية تاج على راس الاعزب لايقدرها الا المتزوج

    ردحذف
  3. مدونة الكويت ثم الكويت

    هلا بالغالي يااخي كلامك احس ان فيه من الواقع الشئ الكثير واحس ان الخبرة لاعبة لعب فيه ولهذا قررت ان يالتزم بخطتك بحذافيرها مع امكانية تغيير بسيط في موقع بيت المستقبل من النزهة الى الشويخ السكنية لوووووووووول

    ردحذف
  4. الراية

    انا متعمد احط صورة بهالجمال حتى تحسون باللي قاعد يتحذف علي من اشياء قوية ومقاومتي لها( لايكون روميو بس )
    بس انا حاليا قررت التزم بخطة مدونة الكويت ثم الكويت
    لتكوين نفسي حتى اكون مريش امام مطالبات زوجة المستقبل ولا اعور راسي بهوشة ضعف الميزانية لووووووووول

    ردحذف
  5. مردك بتعرس في النهاية..
    أول شي تفكر فيه هل إنته تقدر تعرس الحين أو لا ؟؟ يعني مستقر ماديا و الله يعينك بتفلس أول فترة ههههههههههه

    تدري عاااد أحسلك عرس و فيك عمرك من الحنه هههههههههه الحريم يوم يحنن صدعة..
    عرس قبل لا تتعقد ههههههه

    ردحذف
  6. AM.SA.CHANNEL

    تدرين ان الاهل اكثر الناس عارفين البير وغطاه
    ولهذا السبب طايحين حنه فوق راسي

    وعلى موضوع الحنة لوووووووووووووول
    ترى اذا هذي اولها ينعاف تاليها بتطفشوني من الحين ؟؟؟؟ لووووووووووووول

    ردحذف
  7. آآآآآآه ياااربي والله ان هالموضوع مسبب لي أزمه !!! لدرجه دشيت قوقل ادور الي مثل حالتي ههههههههه
    المشكله مو في انك تقرر تقبل الزواج والا ما تقبل ! المشكله هي هل انت تشوف نفسك تقدر علي زواج وزوج وعيال ومسؤوليه !! يعني انا بالنسبه لي لااااااا زين مني اشيل مسؤوليه نفسي هههههه لا والمشكله اذا قلت لا او اذا رفضت واحد تقدم لي شوووف عااد انواع الحنه والتأزيم!!! لي متي وانتي جذي !! هذي سنه الحياه ولازم تعمرين الارض !! بالله الارض وقفت علي انا اعمرها يعني ؟؟؟ !!! انززين بالاول اصلااا انا بالله وجهي وجه تعمير !! وبعدين يقولون لك القطار لايفوتج وتصيرين عااانس !! يبااا لي فاتني القطار لحقته بسيكل !! انا راضيه شحااار كم ؟! بس يرحم امكم حيااااتي وانا حره فيها !! والمشكله اغلب الي يحنون علي راسك تكون عندهم بلاوي زرقه مع ازواجهم !! يعني مثل ماتقول تبي تخلي حياتك غصب طيب مثل حياتها !! والمشكله الثانيه كبنت هي بنظره المجتمع لك يعني انت كشاب عاااادي سهالات مثل ماقال الي قبلي لو تصك ثلاثين اربعين مافي مشكله كونك شاب وحتي مسماك الوظيفي اقصد المعيشي اقصد الي هو جدام المجتمع الكويتي مايتغير يعني اسمك العزوبي سواء خطبت وحده وارفضتك او سواء ماتبي اساسا تخطب وتزوج بس تعال شوف حال البنات اذا الخطاب كانوا طابور وهي الي ترفض اواذا العكس ماكو احد تقدم بالاساس لها اهني المجموعتين الاثنين يسمونهم او بالاصح يعيبونهم باسم العانس !!! يعني بالحاتين قرااده فلما تكون بنت وماااا تبي تتزوج بالكووويت وتصك ثلاثين واربعين فهني تعااال شووف جاره جارتكم تصير مشكله ام ابو اهلها ليش انت ماتتزوج و ليش و شحقه وتعاال شوف الافتراضات يعني البنت لا يمكن تكون طبيعيه وماتبي تتزوج يعني اكيد تحب احد او اكيد خربانه او او اكيد تعرف احد عشان جذي رافضه الزواج او اكيد فيها شذوذ يعني من الاخر يلزقون فيك تهمه غصب طيب او يخلونك تشك بنفسك هههههههههه وتلاقي بنت هالجاره متطلقه وعيالها عندها وانت لازم تكون تفتيحه جاي الضحي عندهم وهمها الاول والاخير تزوجك مثل بنتها مو احسن من بنتها انت !! ولازم تصير مثلهم يعني من الاخرررر عشان يمشون حياتك علي كيفهم !! ماكو عندهم مثلا تقول ابي اكمل دراستي ماستر او ابي اشتغل وابني نفسي ماحتاج لحد !! هذي عندهم اعذااار عشان ماتتزوج !!!! لا والقراده لما يقولون مايصير البنت تكون استقلاليه وتشيل عمرها لازم ينكسر راسها وتزوج ماردها لبيت زوجها !! نعم ؟؟ يااااسلااااام !!! فاحمد ربك انك صبي مو بنت في الكويت و نصيحتي لك كاخت مستانسه بحياتها بالطووول والعرض وصاااامده للحين الحمدالله هههههه اذا شايف نفسك قد المسؤوليه تزوج ! واذا لا عيييييش حياتك باربيكان .. أختك محبوبه بنت مرزوق

    ردحذف
  8. عندي خطة جهنمية شرايج نتزوج
    وكل واحد يروح يسوي اللي يبيه
    منها نسكت اللي حوالينا
    ومنها نستانس بحياتنا

    ادري اني قاعد احلم بس هي طريقة لعمل شئ من لاشئ لوووووووووووول
    والله يعينج على حوستج

    ردحذف
  9. اممممممممم اذا كنت مو مستعد مو لازم تتزوج حاليا انا هذا راي مو مهم الي حواليك المهم انته و قناعاتك و استعدادك لدخول القفص الزواج جميل لكن مسئولية

    ردحذف